Kyntait ki heh hospital u pynmih paidbah ia ka kaiphod u wa chah ktah kti ha ki nongkreh ka hospital

Jowai: Kaam chi bynta u bood dien ia i dawa ka seiñ East Jaintia National Council (EJNC)-Central Council hei iatoh wa i chah dat mynsoo u Graham Lyngdoh na ka chnong Tuber hapoh ka Jowai Civil Hospital, Ialong ka seiñ da lai iachem ko wa ka Medical Superintendent ka hospital ka Dr. A.E. Paswet iow pan ia ka kaiphod wa da dep leh takit da ka hospital hei iatoh wa ini i jia.

Na ka liang ka Medical Superintendent da kyntait ko ia i kyrpad iong ka seiñ deiwa ong wa ia katai ka kaiphod toh da leh nei bynta ka hospital donhi ymtoh kawa hap pynyoo paidbah.

Da dawa ka seiñ leh u suspend chwa chipor ia kiwa em kti u pynmynsoo ia u Graham, na ka liang ka Dr. Paswet da ong wa ym ye u pdiang ia ini leh neidaw wa ka hospital da dep pynchitom ko ia kiwa em kti kat kaam ka aiñ ka hospital. Hawa pan ka seiñ ia ki pyrtuit kiwa em kti wa ia i rukom pynchitom ia ki ka Dr. Paswet da yut noh ko na ka ophis khlem e jubab ia ki.

Hei iatoh wa ini i pyrchang ka hospital u murieh ia ka hok u tip kiwa da chem chitom, ka seiñ da beiñ joor ko ia ki jubab wa e ka doktor. Da rai ka seiñ u khut da ka ialang piadbah wa ki tre chnong Tuber iow rai ka iakhih neini cha khmat hei iatoh wa ini i leh ka hospital. Kani toh katkam ka khubor wa da pyllait da u Sebastian Sapuh Assistant General Secretary EJNC-CC.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kamwa pynkynmo u Graham Lyngdoh da kynnoh u wa chah tba kti u ha u chowkidar ka Civil Hospital wa ki nongkreh ka hospital ha ka miet ka 19 tarik u Naisaphra heiwa da tooh ki leh ia ka poisa wa em 2500o tynga na doh u.