theme-sticky-logo-alt
theme-logo-alt
Advertisement ad1

Kyntait kiwa hayung kiwa chah siat ya ka poisa yarap wa e ka sorkar Nagaland

Kiwa hayung hasem ka chnong Oting, Nagaland deilang waka chnong wa em kiwa chah siat yap ha ki chipai ka Assam Rifles da rai ki wow kyntait wei wym pdiang ya ka poisa yarap (Ex-gratia) wa da e daka sorkar Nagaland kat wym pynchitom ya ki chipai ka 21 Para Commandos wei kat wym pu pyndam ya ka aiñ AFSPA na waroh kawi ka thaaiñ Northeast.

Ha ka chithi wa da pynche da ka chnong Oting da ong wa ka song poisa kawa T. 18, 30,000 wa da e cha ka dorbar chnong wa e da u Montri sorkar u Paiwang Konyak wa u Deputy Commissioner ka Mon da kyntait ya ka hadien wa tip wa kani ka poisa man ko kam poisa wa su da ka sorkar cha kiwa hayaung hasem yong kitu kiwa chah siat yap kamjooh kiwa mynsoo, kamtæ da pynuiñ ya kani ka poisa wei ym pdiang ya ka hadooh wa ki chipai ka 21 Para Commandos da pynchitom ya ki wei da pyndam leh ya ka aiñ Arm Force Special Power Act (AFSPA) na waroh kawi ka thaaiñ mihsngi ka ri.

Kam wow pynkynmoo wa ha ka 4 tarik uni u bnai da em 6 ngut kiwa na kani ka chnong kiwa da chah siat yap kiwa lai luti da kawi ka kari Pick-up hadien wa suba bakla wa ki toh ki dkhot ki seiñ kieñ suloi wei hadien wa chem ki paidbah ya ki metyap kini, da mih i awri awra wei chah thang ki kari ki bru chipai iwa da pynman ya ki chipai wow siat yap sa ya 7 ngut ki bru paidbah kiwa da em ha ini i thaw wa siat chwa ki chipai ya ki 6 ngut heiwa da em leh ki chipai wa mynsoo wa uwi uwa yap.

I kynaad da pteiñ ki ha ki sngi wa bood heiwa da thang ki paidbah ya ki yung wa em ki chipai heiwa da yap biang sa uwi u bru paidbah ha ini i lai tia ki paidbah cha ka Assam Rifles Camp wa em ha chnong Mon ha ka 5 tarik.

Share this:
Previous

Lehkmen Advance Christmas ki pulit ka 3rd MLP wa ki khynnah ka NEIMA

Next

Rah ka Harnaaz Sandhu yei naam Miss Universe 2021