Kyntait u Conrad wow pyndam yaka ujor pyrchah yaka Lokayukta

Shillong: U Montri Rangbah ka jylla u Conrad K Sangma da kyntait u wow pyndam noh ya ka dorkhat kawa da ujor pyrchah ya ka Lokayukta ha ka Meghalaya High Court, kamwa da dawa da ka seiñ Congress.

Hawa yaklam cha ki laad pathai khubor ynne ka sngi, u Conrad da ong u, “Ym pyndam i yaka dorkat neibhah i da lai i da ka luti wa katkam ka aiñ. I thap yaka dorkhat ha ka Meghalaya High Court, ym em mut wa yatoh næ yada ya kiwon kiwon neibhah sñiaw i wa ym em bood ya ki kyndon ha ka Lokayukta wei ym em iyi iyi wow murieh ya kawon kawon ka takit”.

Ini wa dep, uwa yahkhmat ka liang pyrchah uwa man leh uwa yahkhmat ka Congress u Dr. Mukul Sangma da dawa u wa ka sorkar Meghalaya Democratic Alliance (MDA) wa yahkhmat da ka NPP, toh wow pyndam noh ko chisyndon ya ka dorkhat wa da ujor pyrchah ya ka hukum ka Lokayukta wow chimkti ka Central Bureau of Investigation (CBI) wow takit hajrong i chah pynbaad challan pyrchah yaka aiñ ya u mooyong ha ka jylla.

Hawa pynksan ya i ujor pyrchah ya ka hukum ka Lokayukta, u Montri Rangbah da ong u, “I da bichaar bniah i ya kani ka kaam katkam i puræ bniah ka chnat kaam aiñ”.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da kylli kylla u yaka Congress kawa yahkhmat yaka sorkar warim deiwa ong, “Lada ka Congress puræ ko ya ki kyndon, em ki bynta ki wym yahap wa ka Lokayukta wei hajrong kini ki bynta da thap ya ka dorkhat”.

Ha i jooh i por, da booh kylli u yei krehkaam ka sorkar warim hajrong ka Lokayukta, “I chna ya ka Lokayukta kawa pura dang lai ko neibhah wa dang yoh du ya u Chairman wei ka liang pyrchah ym em hok kow tuklar neibhah wa yaka leh da chim por da ki snem du wow thooh Chairman wei ym yoh ko wei kani ka sorkar ym em chimpor ko iyi iyi wow yoh ya u Chairman wei i yoh ya u Chairman mut wa kani ka sorkar em yumut ko wow pynkhlan ya ka Lokayukta wei wow pyndooh syndon ya ki kaam baam tooh”.

Da kyntait u wa ka sorkar daw murieh ko iyi iyi na ki paidbah hawa yatoh wa kawon kawon ka kaam. “Ka sorkar ym em ko iyi iyi leh wow murieh ya kani ka kaam na ki paidbah wei nga da chong yalang wa u Chief Secretary, DGP wow puræ bniah ya kani ka kaam”, da ong u.