Hadien wa u Director ka NEIGRIHMS u Dr. P. Bhattacharya da ong u wa i Test ya kiwa psiah chapoh ka jylla man ko kawa pynlut poisa heiwa ka sorkar Meghalaya da pynmih hukum ko deiwa ong wa ym hoi u dam u Test daka Rapid Antigen Test heipor wa psiah cha ka jylla. Wei da ong u ya ini hajrong ka yurim wa hadien wa dep wow leh yaka Antigen Test ha NEIGRIHMS da pyntikna biang ki sa da ka RT-PCR Test.
Neiliang won u DHS(MI) ka jylla u Dr. Aman War da ong u wa u Director ka NEIGRIHMS kam u bru uwa stat ha i liang i chait i khiah, ym em hok u wow boh ya i rukom krehkaam ka sorkar jylla, wei ym toh u yah bakla u leh yaki paidbah da ini i boh yong oo.
U DHS da ong u wa ki kyndon (Protocol) yong ka sorkar jylla toh kiwa che bha kawa da pynman wa hadooh katni da ye wow yada hawa nujor wa kiwi ki jylla. Deiwa ong leh wa i ong wa ka Antigen Test wa leh ha ki khyrdop toh du wow pynlut poisa man ko kawa ym chong nia.
