15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ka sokar toh u kem ko ya u James Sangma wa kiwa emkti hei kahyi mooyong tooh: BJP

Advertisement ad1

Ka BJP Meghalaya da dawa ko wow kem noh ya ki bru kiwa emkti wow khayi tooh ya u moooyong deiwa ong leh wa u montri ki kaam pohyung, u Lakhmen Rymbui toh u hukum u wow kem noh ya kini ki bru katkam wa chem ki pulit ka Assam.

Chooh chooh da ong leh wa u Lahkmen ymtoh u kheiñstiñ u neibhah wa da mih pyrthai wa u montri ka chnat Power, u James Sangma leh emkti u heini i kaam.

Advertisement ad1

Da ong wa u Lakhmen da pyrchah u yei takit CBI ha GHADC wei ini yoo lakaam wa ym chah ki wow takit ka CBI neibhah yatoh i wa ki kaam wa man pyrchah aiñ deiwa ong leh wa u James da chah kyrriah chuki u toh neidaw wa emkti u hei chalan tooh ya u mooyong wei emkti bha u wa ki damok wa khayi mooyong.

Ka BJP da ong ko leh wa u Lakhmen ymtoh u murieh u ya kiwa tyngkheiñ aiñ kiwa em hei bor kiwa pynemkaam bakla yei kyrdan yong ki neibhah wa da chem ha ki khubor wa u James leh emkti u heini i kaam deiwa ong leh wa lada u James emkti u heini toh u kem noh ya oo chirup wa kiwa emkti ha ini i kaam.

Da kwah ko leh wa ka sorkar toh u sangeh noh ko wow kreh deiwa chukor ya ki paidbah neibhah ini da pynartatien ko ya ka BJP wei daw dooh noh ko yei chaniah ya ka NPP.

Share this:
Previous

Da pynbna Micro Containment Zone ya i yung u Hek

Next

Kyntait u DHS yei ong u Director ka NEIGRIHMS wa i Test ha ki Entry Point toh i pynlut poisa