U DHS(MI) ka jylla Meghalaya u Dr. Aman War ynne ka sngi da kyntait u yei pynbaad wei pynbood naam yaka chnat i chait i khiah kamjooh yaka sorkar wa i pynboon ya ki bru wa yoh COVID-19 hapoh ka jylla toh yow yoh boon ka poisa naka sorkar pyrdi hadooh wa ynne da mih i pynbaad ya ini ha kawi ka kot khubor lyngba ka Letter to the editor.
U DHS da ong u wa da em i sñiawthooh bakla wa i yah bakla ya kiwa chong chnong ka jylla wa neiliang ka sorkar kwah ko wow pynyoo boon kiwa yoh COVID-19 neidaw wa em kiwa sñiawthooh wa katwa dang boon kiwa yoh ka poisa leh da boon i yoh.
U Dr. War da ong u wa ym em kam ini wei ini toh i klam thok kawa chukor ya ki paidbah yow pynbood naam ya ka sorkar deiwa pynrap wa ym yoh poisa lada em uwon uwon uwa yoh ya uni u khñiang.
Da pteiñ u deiwa ong wa ki da krehchitom ki wow kdooh u khoom yei poor kani ka khlam wei ym em kam itæ wa ki Doctor katwa dang chem ki ya kiwa yoh COVID-19 da yoh ki yaka buskit namo ka Commission wei ini leh toh iwa yah bakla iwa khana thok donhi.
Da ong leh wa kitu kiwa da nang da stat kiwa da thoh cha ki kot khubor dei ktien phareng wa ki leh tip hi ki wow klam wei wow thoh dei phareng wei lada kwah ki wow klam ya ini toh u wan ki mar khmat yow e yei jubab.
Da kyntu u leh yaki paidbah wym toh u ngait ya kam kini ki jaitbru.
Da pynkut u deiwa ong wa lada dang em chooh kam kini ki pynbaad daw pynemkaam daka aiñ Epidemic Act yow pynchitom wei da chimkhia bha ki ya ini i pynbaad.
