15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Khlaad kawi ka manbei hadien wa chah rah um ka kari, dang thooh yaki 5 ngut

Advertisement ad1
Advertisement ad1

I joor slap ha kini ki sngi ha thaaiñ South West Khasi Hills da wanrah ko yei chlai um heiwa da chah rah kawi ka kari Jeep wa em ya u number ML05-Q-4115 kawa em 8 ngut ki bru hapoh kiwa naka chnong Mawjai.

Ini da jia i ynne ka 22 tarik heipor 5:40 hadooh 6:00 waje i step ha i thaw wa chlai ka wah Tihiang, South West Khasi Hills.

Advertisement ad1

Na ki 8 ngut da lait im u Marshal Myrthong (40 snem) wa u Dapborlin Lyngdoh (25 snem) kiwa da ye wow yimpa cha rood um.

Da chem leh yei metyap ka Ladianghun L Mawlot (42 snem) katwa ya kiwi ym pu em chem.

Kiwa ym pu em chem toh ki khon ka Ladianghun ka Balamanbha L Mawlot (16 snem) waka Lapynshai L Mawlot (13 snem). Ym pu em chem leh yaki chi bei chi khon ka Ibashisha Lyngdoh (24 snem) wa u khon ko u Daman Lyngdoh (1 snem 6 bnai) wa sa uwi u Ferdinand Myrthong (45 snem).

Ya i thooh ya kini kiwa dang wiar dang pteiñ da ki bru ka F&ES, ki SDRF waki Home Guards.

Share this:
Previous

Kyntait u DHS yei pynbaad wa katwa dang boon kiwa yoh COVID-19 dang boon i yoh poisa

Next

Dawa ka KSU wow takit ka sorkar yei piah ki thaw booh jhep Uranium ha South West Khasi Hills