theme-sticky-logo-alt
theme-logo-alt
Advertisement ad1
Advertisement ad1

Kyntait u Rymbui wym em pynlait ka sorkar yei bhah ka tulop kiwa sikai SSA

Advertisement ad1
Advertisement ad1

U Montri wa pait ya ka chnat Puræ Puthi ha ka jylla, u Lahkmen Rymbui da kyntait u wa ka sorkar ym em pynlait ko ya ka poisa iwa man i bhah yong ka jylla cha ki kiwa sikai skur Samagra Shiksha Abhyan (SSA) kawa da poi cha ka T. 104 klur, wei da ong u wa ka sorkar da dep ko wow pynlait T. 80 klur yow su cha kiwa sikai.

Hajrong i pynbaad ka Meghalaya SSA School Association (MSSASA), da ong u wa ye ki wow klam katwa ngait, neibhah ka sorkar kamwa man katni da yaleh ko wow pynbait syndon yei eh wa da maad da kiwa sikai yow yoh ki ya ka tulop man-i-por.

Advertisement ad1

Hawa yatoh wa i dawa wow thung kreh pura kam ki wakreh sorkar, da ong u wa ka sorkar hap ko wow leh du ya kiwa ye katkam ka aiñ, heiwa da ong wa i thung ya kiwa sikai SSA ym toh wa da leh da ka sorkar kamtæ kammon u thung kreh pura.

Ynnin ka sngi kiwa sikai SSA hapoh ka chatri yong ka Meghalaya SSA School Association (MSSASA) da kylli ki leh ya ka sorkar jylla hajrong i wym su ya ka poisa kawa T.59 klur kawa da mang neibynta ka tulop kiwa sikai SSA wot hadien wa ka sorkar pyrdi da pynlait ko ya ini cha ka jylla ha kini ki kajiak tayaw wa da dep.

Hawa kylli, neiliang u Montri da ong u wa ka chnat ka dang leh ko ya iwa emkaam wei ha ki kajiak sngi daw pynlait noh ya kani ka poisa cha kiwa sikai.

Hawa yatoh wa i pynbaad wa ka sorkar ka pynlut ke ko ya ka piosa, tangwa ym ye ko wow su won tang ya ka tulop kiwa sikai, u Rymbui da ong u wa ka sorkar ym krehkaam næ pait ko du chibynta, tangwa hap wow pait ha waroh ki liang, heiwa da ong u wa lada ym ye wow su tulop ileh wym sangeh noh u chna sarok næ wym ye u su tulop ileh wym sangeh noh ka mang tyngka wow pynpoi umbaam umdih wa boon kiyi kiyi. Da ong u wa ki paidbah wow pynbaad hi-eh man ko iwa suk neibhah klam ki katkam i pyrkhat nei myntoi yong ki.

Hajrong i pynbaad yei pynman ya ki tamasa, u Rymbui da ong u wa ki pynbaad yei pynman ya ki tamasa hap leh wow pyrkhat wa ki tamasa toh chibynta wow pynku ya ka kamai kajih wa man-ka-sngi ki paidbah.

Puræ leh: Ym em su ka sorkar Meghalaya T. 104 klur ka tulop kiwa sikai SSA la 3 snem

Share this:
Previous

Men’s U-25 State A Trophy: Rem ka Meghalaya sa ha ka Arunachal

Next

Wym lait por u Montri Rangbah tæ sahteiñ wow thung ya ka Chairperson ka MSCW