Ka sorkar Meghalaya da pyndam ko ya ka Meghalaya Medical Attendance Rules 1981 deiwa pynmih noh da ka Meghalaya Attendance Rules 2021 yow pynjanai yei rukom su bai sumaar namo ka Medical Reimbursement kawa da e cha ki wakreh sorkar.
Hawa pyntip yeini, u Montri Rangbah ka jylla da ong u wa nachwa da em boon ki bynta wym em da klam che iwa da wanrah leh yei hap pynkreh chitom ya ka chnat sorkar deiwa hap wow bichaar ya iwi pa iwi da ki rukom waphær waphær wei da em leh ki por wa da su palat yeiwa toh u su.
Hajrong ini waroh, ka chnat i chait i khiah da tyrwa ko wa toh u chna ya ki kyndon wa thymme yow booh pood katwon wa toh u su ha kiwa boon ki jait kaam deiwa bood yei rukom su ka sorkar pyrdi.
U Conrad da ong u wa katkam ki kyndon yong ka 1981, da em boon kiwa ym em haap hapoh yong ka wei ha kani kawa thymme ya kini leh da kynthup lang wa kynthup yei sumaar ya ki lamieñ, i sumaar chkoor (Hearing Aid), i sumaar Kidney, Liver Transplant, Artificial Appliances wa kiwi kiwi de.
Nachwa neidaw wym em kdaw ya kini ki jait sumaar, ka DHS da hap ko wow leh chiboon ki kaam, kamtæ kini ki kyndon thymme da emkaam wow wanrah ki yow pynjanai yei rukom krehkaam kamjooh yow pynsuk.
