Haka 21 tarik uni u bnai, ka seiñ All Hynñiewtrep People United Front (AHPUF) da thoh ko cha u Deputy Commissioner ka East Jaiñtia Hills District, deiwa kyrpaad yaki bor District wow jied chwa ki yaki Coaching Center kiwa em hapoh Ri-loom Jaiñtia wa hapoh ka jylla katkam ka Expression of Interest (EOI) wada pynbna daka yung krehkaam yong u Deputy Commissioner ka East Jaiñtia Hills District haka 10/03/2022, MIPR NO., 2023 iwa khut Tender yaki Coaching Center wow e ki yaki Expression of Interest yong ki neibynta kani ka kaam.
Lyngba ini i thoh ka seiñ da pynsñiaw ko waki Coaching Centers kiwa em hapoh ka jylla tip ki rap bha yei tlot yei duna kiwa sikai wa i emkaam ki khynroo khyllood.
Neibhah wa i rukom thung kreh, ki Course kam ka DSC, MPSC, MTET wa kiwi kiwi yaphær ki haka jylla Meghalaya wa kiwi tawan ki jylla.
Kamtæ deiwa jied wei e laad yaki Coaching Center kiwa em hapoh ka jylla u pynsuk ko chiboon yaki khynroo khyllood wei kamjooh leh u pynyoh khih ko yaki tre ki Coaching Center.
Ka seiñ da kyntu haroh ko yaki bor sorkar wow pyndep smat ya kani ka kaam hei rukom wa man khooid, wei u booddien leh wa man hi mo i thungkreh thungkhih iwa khooid wei lai salonsar.
