Ka Montri ka chnat i chait i khiah, ka Dr. M Ampareen Lyngdoh, ha ka 27 tarik uni u bnai da wai ko ya ka First Referral Unit (FRU) ha Mawphlang Community Health Centre (CHC).
Ka Montri hawa e yei klam da ban joor ko yeiwa emkaam wow chaniah ya ki thaw sumaar ka sorkar neibhah ym em man ki kiwa kom wei ka sorkar ka thong yong ka toh wow e i rukom sumaar wa bha deiwa pynjan cha ki chnong ki thaw ki paidbah.
Da ong ko leh wa ka Mawphlang CHC toh kawa da yoh chiboon yow pynku yei chakri nadooh deiwa thung ya 5 ngut ki Doctor wa uwi u Junior Specialist, le ngut ki Dental Sergeant wa uwi u Ayush Doctor. Wei ha kani ka CHC katni da ye wow leh hadooh 39 tylli ki Medical Test yow lait kiwa chong chnong wow lai cha Shillong.
Ka Ampareen da pynchlur ko leh ya kiwa chong chnong wow thap pyrtuid hapoh ka Meghalaya Health Insurance Scheme (MHIS) deiwa pynyabi lang wa u Aadhaar yow yoh ki yei sumaar wa dei mynkna wei da khut ko leh yei ya krehlang waroh yow pynman ya ka Mawphlang CHC kam kawa bna naam.
Deilang wa ka Montri da emlang leh u M.B. Kurbah, MLA deilang wa kiwi.
Discussion about this post