Hadien wa kiwa yah kari kamai yong ka jylla da chim ki ya ka rai wow sangeh noh yei lai kamai yong ki ha kylleiñ ki thaw, neiliang ka All Meghalaya Tourist MAXICAB Sumo Association hapoh i yahkhmat u Martin L. Nonglait uwa man u President yong kani ka seiñ kiwa kamai kari Maxicab wa Sumo kiwa kamai cha Jowai, cha Nongstoin kamjooh leh cha ki thaaiñ Sohra da e ki yei kyrchaan ya ki seiñ kiwa yah kari kamai hawa yatoh wa i dawa yong kiwa yah kari kamai ya ka sorkar wa toh u pynhiar noh ya ka bai phniang kari wei wow pynthymme noh ya ka bai kari.
U Nonglait da kyntu u ya ki tre kari wa kamjooh ya kiwa yahkhmat ki Association waphær waphær nadooh kiwa yah yaki Indica wa ki toh u e ki yei kyrchaan hajrong ini i yakhih ki seiñ kamai kari hadooh wa yoh yei jop.
Da khut u leh wow wan ki cha ka yalang paidbah kawa pynman daka All Meghalaya Tourist MAXICAB Sumo Association ha ka 5 tarik uni bnai heipor 1 waje i sngi ha Parking Lot, Anjalee yow pyrkhat iyi wa ye u leh hajrong ini wym bna ka sorkar wow pynhiar dor yei phniang wei da e ko leh yei kyrchaan yaka JAC yong kiwa yah kari kamai.
Heiyatoh wa i ong ka sorkar wa ka dan nei phniang da pynemkaam wow su tulop ya kiwa sikai, da pynsñiaw u yei wym yahap deiwa pynrap wa katni ka sorkar em ko da ki bus soo wa ki Maxi soo, wei lada ka sorkar ka pynlang ko yei yoh yong ki, ym toh de wow chim dan nei phniang kari wei ka sorkar leh da yoh ko yei bai su tulop cha kiwa sikai.
