Ka seiñ Advocacy Reform Movement (ARM) ynnin ka sngi da e dorkhat ko ha u Health Minister ka jylla, u Wailadmiki Shylla wow pynkynmoo wei wow booddien heiyatoh wa ka Government Nursing College hapoh Jaiñtia Hills.
Ka seiñ hadien wa da yaklam ko wa u Wailad da pyntip ko wa neiliang yong oo da ong u wa dadep pait ya i thaw ha chnong Mukhla iwa man wa biang bha kamjooh leh wa man i thaw iwa biang talawiar neibynta kani ka College.
Da pynche u wa i daw wa slem wow booh ya u mooyurim toh na ki daw wa hap pynbait ya ka soskular hapyrdi ki chnong wa ka Reservation kamjooh ya u pood u ang yong ka chnong.
Chooh chooh da ong u wa pyn hapoh uni u snem i kaam da man i iwa lai bait.
Neiliang u President ka seiñ, u Burom Dkhar da ong u wa i yachem wa u Health Minister man ko yow myntoi kiwa kwah wow puræ Nursing hapoh ka District waroh kawi.
Discussion about this post