15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Kyntu ka DSU ka DM&HO ka West Jaiñtia Hills wym toh u syier mynsien, ym em wa yoh COVID-19 hapoh ka District

0 Comments

Ka District Surveillance Unit ka District Medical & Health Officer, West Jaintia Hills, Jowai, da kyntu ko yaki paidbah wym toh hær’rngu lane syier mynsien hieyatoh wa i mih khubor ynne ka sngi heiyatoh wa u COVID 19.

Da ong wa hadooh ynne ka 8th April 2020, ym em wa yoh COVID-19 hapoh ka West Jaiñtia Hills
District. Da kyrpaad ya kiwa chong chnong wow pynmyllien ki yaka yajngai uwi na kawi namo ka Social Distancing, u bood yaki kyndon wada sikai hawa kyoh, i rukom sait kti yow yada na u COVID-19 u psiah u chapoh ka District.

Advertisement ad1

Da kyntu ya waroh wow ya krehlang waroh khamtam kiwa pynlai chnong wa em ki bynta wa emkaam bha ha kam ini i por.

Neiliang won u SP ka West Jaiñtia Hills da ong u wa ha kam kini ki por waroh kiwa suba wa yoh ya u khñiang COVID-19 da hap leh yaki kyndon wa da booh wow booh ki chi thaw (Quarantine) yow pynman yaka takit khamtam ya kitu kiwa wan na baar jylla.

Da kyntu u leh ya kiwon kiwon kiwa wan na baar jylla wow chong kset ki pyn daki yaki hi 14 sngi, u pyntip leh cha ka sorkar wei ym toh u uiñ ki chawah chaneiñ.

Previous
Next

0 Comments

Leave a Reply