15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Kyntu ka EJNC ya kiwa mihkhmat wow chimkhia yei kylla rong ka wah Lukha yow chem yeiwa sakhiat

Advertisement ad1
Advertisement ad1
Advertisement ad1

Ka EJNC-CEC hadien wa da mih khubor wa da kylla rong biang ka wah Lukha katni, ynne ka sngi da lai hiar ko chadooh ka wah Lunar kawa man ka wah wa kooid cha ka wah Lukha heiwa da chem ki wa ka um da em ko le rong, heiwa ka um wa wan na Khaddum man ko kawa khooid tangwa chaneiñ ini i thaw da man i rong suiñbneiñ katwa kawa wan na Lunar toh kawa jngud.

Da ong ki wa deiwa thooh bniah ki bru wa chemphang namo ki Scientist toh ka um ym em iwa phær yaka tangwa deiwa sakhi dei khmat toh ka wah wa da chah ktah tangwa hadooh katni dang sah hei doom iyi iwa pynman wow ktah ya kani ka wah hadooh katni katni, neiliang ka EJNC booh ko yei dawa hakhmat ki MLA, ki MDC wow chimkhia ki kamjooh ki bor wa toh u pait ya ini hadooh ka NGT wow thung yaka takit wa bniah yow tip yei sakhiat yei daw wa kylla rong kani ka wah neibhah wa kani ka wah toh kawa yoh myntoi kiwa boon kiwa chong chnong kani ka thaaiñ nadooh i khwe dakha, i pynman ya ki tamasa waphær waphær wei ki dakha leh sa saja ki wow im, wei ka seiñ hi daw booddien ko ya ini hadooh lada chah ka laad wow thoh cha ka NGT.

Ka seiñ da suba ko leh wa ye u man wa em ki karkhana pynmih khyndaw-bilat kiwa pynkai yei jakhlia wa i ye u man i daw bah wa kylla rong ka wah Lukha tangwa ym pu ye wow pyntikna ya ini.

Ha kani ka sngi da emlang u Sambormi Lyngdoh, President EJNC-CEC, u Allmiki Ryngkhlem Vice President EJNC-CEC, u Nangjan Dkhar Gen. Secy. EJNC – CEC, deilang wa u Diamond Bareh GS EJNC-Khliehriat West Unit.

Kam wow pynkynmoo wa ka wah Lukha da sdang ko wow kylla rong nadooh u snem 2007.

Share this:
Previous

Wan wai u Amit Shah yaki kaam pynroi ha Manipur- E khublei u yaka jylla yei ye wow pynkrehkaam yaka ILP

Next

Khlaad noh u ma Corinth Pyrngap