Ka Federation of Khasi Jaiñtia and Garo People (FKJGP) da kyntu ko ya ka Ministry of Finance, ka Reserve Bank of India wa ka sorkar Meghalaya wow phah pyndam ya kiwa kreh Bank wow lai kreh ki ha ka 27 tarik u September kawa man ka sngi Sunday.
U General Secretary ka seiñ, u Eldie Newton Lyngdoh da ong u wa ka sorkar pyrdi da pynbor ko ya ki Bank wow wai ha ka Sunday neidaw wa daw em i yakhih kiwa kreh Bank na ka 28 hadooh 30 tarik u September yow.
Da ong u wa ka Meghalaya toh ka jylla wa boon ki Christan heiwa em ki palat 75%, kamtæ ka sngi Sunday man ko ka sngi u Blai ymtoh ka sngi pohyaaw heiwa ki yung ki sem lai yungmane ki.
Da kyntu u leh ya ki MLA ka BJP ha ka jylla wow chimkhia yeini wei wow pyndam wow phah lai kreh ya ki ha ka sngi Sunday.
Discussion about this post