Ka seiñ HYC da pynsñiaw ko wa i yakhih yong ki kari kamai hajrong i wym mano ka sorkar ya i eh i khoo wa mih nei ku dor ware i phñiang kari (Petrol wa Diesel) toh iwa chongkhia wei emkaam wow kyrchaan ya ini neibhah wa da booh i hei eh ya ki paidbah waroh.
I dawa kiwa kamai kari wow pynduna ya ka dan na ki kari neidaw ka Lockdown leh man ko kawa chongñia, da ong ka seiñ.
Neiliang ka seiñ da e yumut ko ya ka sorkar wow khut pynbait noh wa kiwa yahkhmat yong ki seiñ kiwa kamai kari namo wow pynbait noh yei dawa.
Ka seiñ da kyntu ko leh deiwa burom ya kiwa kamai kari wow kit ya kiwa kjut lada jia wa ym yoh Ambulance neibhah wa emkaam ki wow poi cha thaw sumaar.