Ynne ka sngi ka Joint Action Committee wa kynthup ya ka seiñ AJCVA, MPUF, JYF, JSM, HYC, RJTA wa kiwi kiwi da lai yachem ki ya u Deputy Commissioner ka West Jaiñtia Hills ha kamra krehkaam yong oo heiyatoh wa i phah khang syndet ya ki yaw ki haat hapoh Jowai.
Hawa yaklam wa u Paila K Lyngkot uwa man uwi na kiwa yahkhmat yong ka JAC da ong u wa ha ka 3 tarik da pynmih ya ka hukum wow khang syndet ya ki yaw ki haat iwa man i doohnong wa khroo ya kiwa boon.
Da ong u wa ynne da yachem wa u DC ka District heiwa da pyntip u wa ha kini ki tayaw wow wan daw pyrchang wow chah biang ya ki yaw neibhah i khang ya ki yaw toh neidaw wa poor ware ka khlam COVID-19.
Neiliang da JAC da kyntu ko ya ki bor District wow wai smat noh ya ki yaw ki haat.
