Ka Jaintia Joint Alliance (JJA) wa kynthup ya ka JYF wa WJSU da booh ko yei kyrpaad cha kiwa yahkhmat ka JAC wa kiwa yahkhmat ka MCTODA wow em ki yei ya sñiawthooh hapyrdi yong ki wei wow ya krehlang neibynta i myntoi wa i bhalang yong waroh ki tre Truck wa kiwa yah Truck kiwa em hapoh ka Bri U Ynñiaw Trep.
Ka JJA ym sñiawsuk ko wow ap wei wow yoo yei mih i yaphær hapyrdi kiwa yahkhmat kini ki ar liang neibhah lada kamni kiwa na baar khamtam ki Cement Plant wa em hapoh ka Bri U Ynñiaw Trep da yoh laad ki wow chim kabu ya ki tre ri wow leh ki katwa ngait ki khlem da bna ya iyi iyi i dawa wa chong hok wa em yurim yong ki seiñ tre jylla.
Heijooh i por ka JJA dawa ko na ka sorkar jylla khamtam na u Home Minister wa toh u pynlait noh chiseindon ya kiwa yahkhmat ka MCTODA kiwa da chah kem khlem da booh kawon kawon ka kyndon wa pynngat wei wow khut leh yaklam sñiawthooh wei wow pynmankaam yeiwa dawa wa chong yurim ka MCTODA.
Puræ leh: Dawa ka JAC na ka sorkar wow pyntikna wym toh u chah ksoh ki Truck ki hei yakhih wa pynman ka MCTODA
Discussion about this post