Kiwa chong chnong ka Rattacherra da phylla ki wow yoo wa wiar ki luti lai kjat namo ki Footpath hei pynchna ya u NH-6 kam u sarok khyndaw-bilat kattæ.
Heiyatoh wa ini da thoh cha u DC ka East Jaiñtia Hills deiwa ong wa neidaw wym em pyndep yei kreh deiwa toh rukom, uni u sarok man u uwa laphooh bha iwa da ktah ya kiwa lai wa wan man-ka-sngi khamtam ki khynnah skur.
Ha ini i pynchna ya uni u sarok da wiar leh ki Footpath wa jooh em wei ki bru da hap ki wow lai deilang wa ki kari iwa ye wow wanrah yei jia wa sñiawsih.
Kamtæ da kyrpaad ya u DC wow leh yeiwa emkaam yow pynwiar yei laphooh wei wow chna leh ya ki Footpath ha waroh ki thaw wa em ki chnong ha tympud u sarok nadooh Jowai cha Ratacherra.
Kani ka chithi da booh ha u DC nadooh ka 11-09-25 tangwa ym em leh iyi iyi heiwa kiwa chong chnong da ong ki wa lada toh jia kamni ha Guwahati, Shillong næ Delhi, ka NHAI daw smat ko wow leh yeiwa emkaam tangwa neidaw won wa ini toh ha East Jaiñtia Hills ym em wa bna neibhah wym em kordor ki mynsien bru.
Da ong ki leh wa deiwa leh kamni pynyoo wa kiwa chong chnong toh kiwa chah kheiñ jhep wei manda yap da ki khynnah ki waheh deiwa chah yooh ha ka ka Truck kiyi wow bahkhlieh.
Discussion about this post