Hadien wa da kut u slap waka laær wa joor hapoh West Jaiñtia Hills District waroh kawi, neiliang ka seiñ JSM da pynman yalang wa jhan ko daka CEC ha Western Region yow pyrkhat u kyntu yaka sorkar wow yarap ko cha kitu kiwa chah ktah kam hei chah tympra ki hali hator, ki yung ki kynroh ha waroh ka West Jaiñtia Hills District.
Deiwi i sur kiwa yahkhmat ka JSM Western Region da kyntu ki nadooh u DC, yaka chnat Soil and Water Conservation ka West Jaiñtia Hills, ki BDO wa kiwi kiwi wow smat ki u yarap cha waroh ki thaw wa em ini i jia wa pynsih ka lær u slap khamtam ha chwa u thung ya u kba u khoo.
Chooh chooh neiliang ka JSM Western Region da kyntu ko yaki paidbah u mih ki chakhmat ha jar jiar ki BDO u wow pyntip ki yei chah ktah ki hakam kini ki por la ha yung ha sem næ ki hali hator.
Da ong wa neiliang ka seiñ smat ko wow yarap u pyntip cha kiwa toh u pait yeini da pyntip u C. Talang General Secretary JSM Western Region.
Discussion about this post