Jowai: Ka seiñ Jaiñtia Students Union-Jowai Circle (JSU-JC) ynne ka sngi hapoh i yahkhmat u President yong ka, u N Jordan Rymbai da lai yachem ko ya u DC ka WJHD chirup wa ka dorkhat heiyatoh wa i pynman pynkhle nasib namo Lucky Draw ki skur.
Ka seiñ da ong ko wa da dap ko dei mynsien sñiawkhia wow pait u yoo ya ki khynnah wa lai dai Ticket khle nasib ki cha yaaw cha haat i wym man i bynta yong i puræ puthi khamtam kiwa boon ki khynnah wan ki na ki manyung wa dooh katwa kamtæ ymye ki wow su ya kini ki Ticket katwa kamtæ da chah pynbor ki wow lai dai ya ki.
Chooh chooh ka seiñ da ong ko wa ym em pyrchah ko yei thmu ki skur wa boon u pynkhle nasib kam chibynta wow kyntu kynrong ya ka yarong poisa ka skur deiwa kyrpaad ya ki skur wymhoi u pynbor ya ki khynnah wow lai dai ya kini ki Ticket wei wow e laad ya ki khynnah wow thied ki ya ki katwa joh i bor ka yung yong ki.
Ha ini i yachem neilang u DC da kular u wow chimkhia hajrong ini wei daw phah chithi u leh u cha District School Education Officer wow leh yeiwa emkaam. Ka seiñ da e khublei ko ya u DC hajrong ini i chimkhia yong oo neibynta i bha i miat ki khynnah puræ.
Discussion about this post