15 49.0138 8.38624 1 0 4000 1 https://wyrta.com 300 0

Da pynskem ya ka chnat ka Seiñ Kur Dkhar Jaiñtia Hills

0 Comments
Advertisement ad1

Jowai: Ka Seiñ Kur Dkhar Jaiñtia Hills Central Body hapoh i yahkhmat u President yong ka u Ksohbok Dkhar, u General Secretary u Hamjhan H Dkhar da lai pynskem ki ya ka Seiñ Kur Dkhar West Zone “Tyrshang-Khanduli Unit” ynne ka sngi hei pynlai u Harwis C Dkhar President ka West Zone, ha chnong Tyrchang West Jaiñtia Hills. 

Ha kani ka sngi da wan lang waroh ki para kur kynthai wa chynrang nadooh Khanduli Tyrshang hei wow ap u sñiaw yei sneiñ i kroo kiwa heh wa sian ka kur nadooh u Dawan Dkhar uwa man u Advisor, u Pdianghun Dkhar u General Secretary East Zone, u Wilang Dkhar, ka Phyrnai Dkhar heiwa da ban joor ki wow man kiwa ya maya iwi yeiwi u yarap kylliang u chaan kylliang hei chitom saja la hei suk hei saiñ. 

Heijooh i por da kyntu ki leh u yait ki nei sih i roi wa boonjait khamtam wada boon i sih ha kani ka pyrthai katni, da pynkynmoo ki leh kam ki para kur wym hoi u em i sñiaw niam næ Politics lada em ha kawon kawon ka niam leh toh u man iwi don khnang wow neh i maya kur chi lynter ki sngi kam wa da mih na ka jooh ka Beipun.

Da pynkynmoo ki leh wa ka Seiñ kur hawa seiñ ya ka toh u pynyatylli ya ka kur kawi don yoh u ya tipmit la ha nongkyndong la ha sor yoh u lait nei kaam chongsang chongma hei chongkha chongman yoh u man kiwa tip bru tip Blai kamwa ong hei ktien im sngi ka kur “Kur Dkhar Chirup Deilang”.

Chwa wow pynkut u President da pynskem u ya ki dkhot ka “Tyrchang-Khanduli Unit” heijooh i por u Emirick Dkhar da ah u ya u Ribbon kam ka dak wow sdang ka Unit u kreh ko ya ki kaam ka kur, kamjooh ka kur da maham joor ko ya kiwon kiwon kiwa e jait chim jait na ka kur Dkhar khlem tip ka kur, ka Seiñ Kur u leh ko deiwa khor bha katkam ki aiñ yong ka kur.

0 Comments

Leave a Reply