Jowai: Ka Jaiñtia Students’ Union da kyntu ko ya u DC ka West Jaiñtia wow pait-siar wei wow pynchitom ya kiwa khayi masi tooh khamtam kiwa na ka ri Bangladesh.
Ka JSU hapoh i yahkhmat u President yong ka, u Lawyerson War da ujor u yei roi ki bru na Bangladesh kiwa knieh yei khayi ki tre jylla na waroh ki kdong ki chmiang hadooh wa da chah ktah kiwa ri namo dai masi.
Da pynrap ko leh wa ini waroh jia i khamtam ha ri-loom Jaiñtia nadooh na khlieh u pood ka jylla kam na Khanduli, Ri Bhoi District chadooh chawah wow pood ka ri Bangladesh kam ha War Jaiñtia wa East Jaiñtia.
U President ka JSU War Jaiñtia Circle, u Eddy Kery Pohtam da kyntu u ya ki bor sorkar wow chimkhia wow khang ya ini i jait kaam wow challan tooh ya ki masi neidaw wa chem chitom ki bru kiwa im na i dai doh masi khamtam ki paidbah.
Ka JSU da dawa ko leh na u Superintendent of Police wa u Deputy Commissioner ka West Jaintia Hills wow kem wei wow pynchitom ya kini ki baar ri.
Discussion about this post