Hadien wa poor ka khlam u COVID-19 wa i krehkaam ka Lockdown wa 21 sngi ka sorkar pyrdi wa ka Curfew ka sorkar jylla da wanrah i ya chiboon i eh i khoo ya ki paidbah.
Neiliang ki bor u Deputy Commissioner (Supply) East Jaiñtia Hills District da thooh laad ki wow pynbiang ya ki mar wa emkaam namo ki Essential Commodities neibynta ki paidbah ka thaaiñ Saipung.
Ka seiñ da ong ko wa i pynbiang ya ki thaw dai mar da wanrah i yei suk ya ki paidbah tangwa i booh/thung du ya ar tylli ki thaw da poi du kamwa 30% na i emkaam ki paidbah.
Da kyntu ko ya ki bor ka District East Jaiñtia Hills wow pynbiang chooh ya ki mar katkam wa emkaam ki paidbah khamtam u khoo.
U President ka seiñ, u Oswald B Nampui da kyntu u ya ki bor District wow pynboon ya ki dukan/thaw dai mar ha ki chnong wa jngai kam ka Mualsei wa kiwi kiwi neibhah ym yoh ware ki ya ki mar wa emkaam ki hajrong wa da sdang duna ki mar da chem chitom ki u wan na jngai.
U President da kyntu u leh wow kyrriah ya ka yaw/thaw dai mar cha chnong Thuruk neibhah wa man ko ha pyrdi yong ki 6 tylli ki chnong khnang wow suk ki paidbah ka thaaiñ.
Discussion about this post