Kyntu Ka JYF ya U DC & Chairman ka DSC wow phah da ka Call Letter

Jowai : Ka Jaiñtia Youth Federation JYF Central Body, hadien wa da yoh ujor ko na kiwa yakhun DSC wa u DC da pynbna wa ye ki u yoh ya ki E-Admit Card yong ki lyngba ka http://westjaintiahills.gov.in/dsc.htm næ deiwa chim na ka Office NIC.

Neiliang ka seiñ da kyntu ko ya u Deputy Commissioner uwa man leh kam u Chairman ka DSC West Jaiñtia Hills, wow phah da ki kot cha waroh kiwa yakhun kreh LDA-cum- Typist khnang wow yoh yutip ki wa ka Exam u man ko ha ka 26 tarik uni u bnai kamwa da leh nadooh nachwa.

“Ini i rukom leh thymme u Chairman ka DSC deiwa phah ya waroh ki candidate wow chim ki ya ki kot ki sla wa emkaam na ka internet da ktah joor ko ya kiwa thap kreh na nongkyndong” da ong u ma Poipynhun Majaw u President ka seiñ.

Kamtæ ka seiñ da kyntu ko ya u DC wow phah ya ki kot ki sla cha jar jiar i yung kiwa pyndap ya ki khih DSC katni.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Also Read: Da pyllait ya ki E-admit Card neibynta kiwa thap kreh LDA-cum-Typist