Ka Khasi Students Union Laskein Circle da kyntu ko ya kiwa mihkhmat ka Laskein Block nadooh Ki MLA, MDC waroh wow leh iyi iyi neibynta wow yarap ya kiwa dooh wa rangli kiwa da maad ya i thngan i sliang neidaw wa chah ktah naka Lockdown wa da pynbna daka sorkar.
Ka seiñ kyntu joor ko ya kiwa mihkhmat napoh ka thaaiñ waroh wym toh u chong klikti hajrong ini i eh kawa ki paidbah ka thaaiñ da yachem ki, wei kamwa man ki kiwa mihkhmat paidbah toh u e ki yei yarap yaki kti da ki marbaam mardih khnang wa ki paidbah wa duna ka yoh ka kot ym chah ktah ki.
Ka seiñ kwah ko wow kylli leh yei wiar kiwa mihkhmat ka thaaiñ yong naka yalang ki 7 ngut ki MLA napoh ri-loom Jaiñtia.
“I kam ki paidbah ka thaaiñ Laskein Block kwah i wow tip cheiwon wiar u MLA yong i wa ym em wan cha ka yalang ki 7 MLA? Ileh wiar u? Wei na iyi i daw wa ym em wan u hawa ka yalang man ko neibynta wow yaklam hajrong i eh ka yong u paidbah waroh?” da ong u Balawan Suchiang, President KSU Laskein Circle.
Discussion about this post