Ka Supreme Court ka India da phah ko ya waroh ki laad pathai khubor (Print, Electronic wa Social Media) wow em ki ya i kitkhlieh yow pyntikna wa ki khubor wa pynmih ki toh kiwa sakhiat yow lait u hær’ngu ki paidbah.
Ka Supreme Court da ong ko wa i jai wa mih liwan chnong ki wakreh mylla kiwa wan na kiwi ki jylla toh neidaw wa da tieñ ki neidaw wa mih ki khubor thok wa kani ka Lockdown daw neh ko hadooh sa palat 3 bnai.
Ka yung bichaar da ong ko wa ym ye ko wow dam u pait ya ini i ktah ki khubor thok wa mih iwa da wanrah yei chitom ya kiwa boon hadooh wa da em wa dooh yei mynsien.
Heijooh i por ka Supreme Court da ong ko wa ym kwah ko wow pynwit yei yaklam laitlood hajrong u COVID-19 wei da phah wow pynmih du ka yutip wa pynmih daka ka sorkar (Official Document) yeiwa jia wa kylla.
Ya kiwa pynpoor wa pynmih yaki khubor thok daw pynchitom yaki.
Da ong ko leh wa ka thma man ko ym du pyrchah ya kani ka khlam kamjooh leh pyrchah yaki khubor thok.
Discussion about this post