Ka Khasi Students’ Union (Central Executive Council) da thoh ko cha u montri ka chnat i chait i khiah, u James Sangma heiyatoh wa i sahteiñ i chna ya ka Shillong Medical College hanlada booh ya u mooyurim nadooh u 2017 ha Reid Chest Hospital, Mawbah, Shillong ya kawa da kyrriah won cha Umsawli, New Shillong.
Neiliang ka seiñ da pynsñiaw ko yei sñiawsih wa slem u chna ya kani ka thaw puræ deiwa kyntu ko ya ka sorkar wow pyndep noh ya kani ka thaw puræ.
Chooh chooh ka seiñ da ong ko wa ya i kreh ha kani ka College da ekti cha ka karkhana kawa na Kolkata, ka Kali Pradip Choudhuri (KPC) kawa man ka karkhana kawa em dak yong wei kawa da lai-lait ya ka dan (Tax Evasion) hapoh ka ri wa kamjooh leh cha baar ri.
Kamtæ ka seiñ da kyntu ko ya ka chnat i chait i khiah wow kyruiñ biang cha ka soskular wa da soi wa kani ka karkhana wei wow pyntikna wa i kreh u man i iwa lai bait.
