Ka North-Eastern Hill University Students’ Union (NEHUSU), Shillong, da e dorkhat ko wow ong wa du ki Online Classes leh ym biang ki na ki daw wa boon khamtam nei duna ki Internet ha ki chnong wa em ki khynnah ha ka Meghalaya wa ka thaaiñ mihsngi ka ri.
Katkam wa man katni dang em chiboon i duna namo i wymye u pyndep ya ki Syllabus neidaw wa thut ki Online Class wei ka seiñ da ong ko wa i thmu wow pynman ya ki Final Exam man i iwa ymye wow pdiang.
Kamtæ ka seiñ da ong ko wa ymtoh wow ngait hi-eh ya ki hukum wa pynmih da ka UGC neibhah ki khynnah ymye hiwot ki wow pyndep ya ki Exam yong ki.
Kamtæ da kyntu wow leh ya ki Assessment deiwa chim ya ka “Averages” na ki Exam wa dadep heithaw wow pynman ya ka Online Examination neibhah i lai thoh Exam leh man i iwa ymye.
Chooh chooh da ong ko wa ka khlam da ktah wei da pynthut bha ko yei rukom chah hikai wei i pyndep ya ki Syllabus lada ki Theory wot ka Practical.
Da pynkynmoo ko leh wa ka rai ka UGC toh du iwa tyrwa donhi ymtoh wow kdoh u khoom ya ki skurbah.
Kamtæ ka seiñ da kyntu ko ya kiwa pynlai ka skurbah wow pyndam chwa ya ka Final Examination.
Ya kani ka soskular da soi da u Yshua Lyngdoh, wa u Teilang Rymbai, kiwa man kam u President, Secretary, ka NEHUSU.
