15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynche ka sorkar yeiwa khlaad i khonboo ha Ganesh Das Hospital

Advertisement ad1
Advertisement ad1

U montri i chait i khiah ka jylla u AL Hek da pyntip u wa ynne da yachem wa kiwa naka dorbar chnong Mawtawar, deiwa emlang u MDC ka thaaiñ yow yaklam yeiwa jia ha Ganesh Das Hospital heiwa da dooh yei khonboo wa dang kha, heiwa u Hek da ong u wa da em i sñiawthooh bakla, hanla kattæ leh da paan yaka Report naka Ganesh Report yeiwa jia.

Neiliang u DHS (MI) u Dr. A. War da pyntip u wa heipor kamwa 3 waje i sngi da yoh yutip u yeini wa em kawa punkhon kawa wan na i thaw wa man kam ka Containment Zone kawa ym yoh thaw wow kha khon, deiwa pyntip wa nynkong ym em e thaw thiah ya kani ka bru ha Ganesh Das toh wa em du 5 tylli ki thaw thiah ha Isolation Ward kiwa da em bru chwa wa chim ki kamtæ da phah ya kani ka bru wow thooh thaw cha kiwi ki Hospital wa em yaki Isolation Ward wei ymtoh wa kyntait neidaw wa wan kani ka bru naka Containment Zone.

Advertisement ad1
Advertisement ad1

Da pyntip chooh chooh u leh wa ym ye wow pynthiah hi-eh ya kani ka bru cha ki thaw wa lai wa wan ki bru ha kani ka Hospital neidaw wa ya kani ka bru ym pu em u yoh wow sylli wei ym ye leh wow pynthiah ka heithaw wa em kiwi kiwa chitom neidaw wa lada toh kawa em ya u COVID-19 wei lada poor u khñiang hapoh ka Hospital, daw ktah ko yaka Hospital hadooh wow hap u khang yaka Hospital iwa daw ktah kylla yaki paidbah.

Da pyntip u leh wa hadien wa lait thaw thiah hapoh ka Isolation Ward neidaw wa em uwi wa thiah heini da chem wa toh uwa man Negative, da e thaw thiah ya kani ka bru wei da leh yeiwa emkaam wei da chem wa waroh i jait man i iwa biang. Heipor wa kha ya i khonboo ym em man i iwa kha suk kamtæ da khlaad noh i wei ym toh neidaw wa chah pynyang kawa punkhon.

U DHS da pyntip u leh wa da thooh thaw chooh chooh hapoh ka Ganesh Das yow pynman kam ki Isolation Ward wei da jied sa ar kamra iwa ku noh ki thaw thiah cha 25 tylli.

Heijooh i por da pyntip u leh yow lait wow jia biang kam ini, da phah leh ya kiwi ki Hospital nadooh ki yong ki bru samen wow pynboon ki yaki thaw thiah hapoh ki Isolation Ward.

Neiliang u symood montri rangbah ka jylla da ong u wa chimkhia bha ka sorkar ya ini i jia wei da phah leh yaka Show Cause Notice cha ka Ganesh Das Hospital wei lada chem wa em i duna, neiliang ka sorkar daw chim ko yaka rai.

Da ong u leh wa da phah ya waroh ki Hospital, ki PHC wow thoh ki cha u DHS lada ki leh duna ki thaw thiah hapoh ki Isolation Ward.

Share this:
Previous

Da pyndam ya ka Containment Area ha ki 6 chnong ka East Jaiñtia Hills

Next

Kyntu ka NEHUSU wow pyndam chwa ya ki Final Examination