Kyntu ka PSM ya kiwa chong chnong ka Ri Jaiñtia wym toh u man kiwa toh dor | Yieñ dap chynrang kam u Kiang Nangbah

Ynne ka sngi kawa man leh ka lyngkhooh sngi yap wa 163 snem u Khlawait ka Ri-loom Jaiñtia, neiliang ka seiñ Pnar Students’ Movement (PSM) hahkmat dur sah naam u mot Kiang Nangbah ha madan Madiah Kmai Blai, da phah ko ya ka khubor cha waroh ki paradoh parasnaam kiwa kreh monsñiawbha kamjooh leh ki bru samen deiwa kyntulang ya ki wow kyntait chisiendon yei rukom man arsap u Long Sutnga, deiwa tip ya ka yurim wei rukom im u Woh Kiang Nangbah, wow yieñ dap chynrang, wym hoi u yarong ya ka spah na kiwi deiwa pynyap pyn ya ka jaitbru yong i hi.

Chooh chooh neiliang ka PSM sñiawsih ko u yoo u sakhi lut ha kiwa boon ki kaam khayi pateiñ wa da wan synchaar lut da ki bru na baar ka chnong ka raij.

Hawa pynkut da kyntulang ya waroh wa e wa ka snaam u Woh Kiang Nangbah u psiah ko ha uwi pa uwi u khon khynroo khyllood wym hoi u toh dor hakhmat ki mynder chisngi.

Ka kyrwoh na u Publicity Secretary, S. Lakiang.