Ka Pnar Student’s Movement (PSM) Central Body da thoh ko cha ka Meghalaya Pollution Control Bord wa cha u DC ka East Jaiñtia Hills District neibynta u pyndam ya ka Public Hearing ka Shree Cement Integrated Cement Plant ha Daistong, East Jaiñtia Hills District wei kamjooh leh da lai booh ko dei thoh ha ka Secretary ka Executive Committee ka JHADC wa ha u Chief Forest Officer (CFO) JHADC wym hoi u e NOC ya kani ka karkhana pynmih khyndaw-bilat.
Naliang ka seiñ da ong ko wa i wan kani ka karkhana heini i thaw daw ktah i chiboon nadooh ki thaw rep thaw riang, ki umbaam umdih, ki khloo ki kjam wa ki mrad ki mriang wa im ha kani ka thaw khamtam yei chait i khiah ki paidbah wa chong chnong.
Hei pait ka seiñ, ini i thaw wow booh ya kani ka karkhana ym em jngai i na ki thaw paidbah, na chnong Daistong, iwa daw ktah ya kiwa chong chnong wa ya ki chnong kiwa em marjan khamtam ya kiwa dooh wa duk kiwa im hei kaam mylla sngi wa hei rep i riang, ki doh um kam ka Neolissochilus wei i wan kani ka karkhana da tyngkheiñ ko leh ya ka aiñ Meghalaya Transfer of Land Regulation Act 1971, ki aiñ ka District Council heiwa da thied yei thaw pyrchah ya ka aiñ da ki Non-Tribal, neitæ ka Environment Impact Assessment (EIA) kawa em tarik 19-11-2025 kawa da e cha ka Meghalaya State Pollution Control Board (MSPCB) khlem da yoh mynjur na ka JHADC.
Ka seiñ da kyntu ko ya waroh ki bru kiwa emkti neibynta u e laad ya kani ka Company u wan ha kani ka thaw wow sñiawbha ki u pyrkhat neibynta ka jaitbru Pnar kiwa im ha kani ka thaw.
Discussion about this post