15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Kyntu ka RBI wow man kiwa husiar ya kiwa e ram lyngba ki Mobile App

Advertisement ad1

Ha ka kyrwoh wa phah da ka Reserve Bank of India (RBI) wow man kiwa husiar bha pyrchah ya kiwa e ram lyngba ki Mobile Apps namo ki Digital Lending Platforms wa pyrchah yaka aiñ, ka RBI da ong ko wa da em ki khubor wa ki bru paidbah hadooh ki bru wa em i yong ki hi i kih, kiwa khayi pateiñ da chah thok ki ha ki bru wa chim kabu lyngba ki Computer/ Mobile Apps deiwa kular wow yoh ram deiwa suk wa khlem da emkaam kiwon kiwon ki kot ki sla wa biang.

Da em leh kiwa chah kheiñ da ka sut wa heh bha kamjooh kiwi ki jait wa hap u su iwa da murieh khlem khana ki wym chongnia, wei i rukom pynemkaam bakla yaka ya soi suskular yow pynbor wow su yaka sut hadooh wow chim yaka yutip (Data) naki Mobile Phone yong kiwa chim ram.

Ka RBI da ong ko wa kiwa ye u e ram wa kiwa ye u chaniah toh du na ki Bank wa ki NBFC (Non Banking Financial Companies) kiwa da tipmit da ka RBI wa ki kynhun kiwa da pynlai da ka sorkar jylla kam hapoh ki kyndon yong ki aiñ e ram yong ki jar jiar ki jylla.

Kamtæ da kyntu yaki paidbah wym toh u ngat næ chah thok ha kam kini ki bru chim kabu wei toh leh u thooh bniah lada toh kiwa sakhiat næ ym toh. Da kyrpaad keh yaki paidbah leh wa ym toh wow e ya ki yutip (Personal Details) kam ki kot KYC cha kiwon kiwon khlem da tip tikna lada ki toh ki bru wa skhiat kiwa ye u chaniah kamjooh ki App ki wym ye u chaniah.

Lada chem wa em ki bru wa chim kabu kamwa da batai haneiñ, ye phi wow ujor Online cha ka aiñ lane thoh da ka ujor cha ka website https://sachet.rbi.org.in.

Ka RBI da pyntip ko leh wa kiwon kiwon ki ram lyngba ki kor Computer/Digital Lending Platform/Mobile Apps kiwa haap hapoh i pait yong ki Bank wa NBFC, toh u pynyoo ki yei pyrtuid yong ki Bank lane NBFC cha ki paidbah. I pyrtuid wa Address yong ki NBFC kiwa da Register wa RBI ye phi wow yoh heini https://www.rbi.org.in/Scripts/BS_NBFCList.aspx lada kwah phi wow ujor pyrchah yaki NBFC kiwa pait da ka RBI ye phi wow leh ha kani ka Website https://cms.rbi.org.in.

Share this:
Previous

Ha uni u snem u pyndep noh ka sorkar ya ki kaam wa yatoh wa ka ILP, ka ktien Khasi wa Them Mator: Prestone Tynsong

Next

Smat u Prestone wow hiar chuki lada ka HNLC ye ko wow pynsakhiat yeiwa pynbaad