Khliehriat: Ka Southern Border Youth Welfare Association (SBYWA), Elaka Rymbai & Lakadong, East Jaiñtia Hills District, ha ka wyrta na u S. Shadap, President ka seiñ da kyntu ko ya u Shitlang Pale, MLA Sutnga-Saipung Constituency wow smat u pynpoi ya i e yarap cha ki chnong khappood wa kynthup ya ka Hingaria, Huroi, Leijri, Leilong, Borsara, Kwator, Borkhat, wa kiwi kiwi.
Kini ki chnong khappood toh kiwa dang haap hapoh ka Constituency yong oo wei kini ki chnong da emkaam yarap bha ki ha kam kini ki por wa khang chnong neibynta u yakhun pyrchah ya ka khlam u COVID-19.
Heijooh i por ka seiñ da pysñiaw ko leh yei sñiawngooh wei i e khublei kyrpang ya u Kyrmen Shylla, MLA ka Khliehriat Constituency uwa da yarap da u khoo cha ki chnong khappood wa kynthup yaka Lakadong Ummat, Ladlakadong, Lakadong Umlatdoh, Umlyngsha, Bataw, Pynurkhba, Iapmala wa kiwi de ki chnong hapoh ka Constituency Khliehriat.
Ka seiñ da kitbok kitrwiang ko ya oo deiwa ong wa u Blai u emlang u chirup wa oo wow yoh hei chait i khiah wow dang ye chooh chooh u yarap ya ki paidbah hapoh ka thaaiñ.
Discussion about this post