Khliehriat: Hadien wa wan u slap wa joor ha ki tayaaw wa dadep iwa da wanrah yei oor i khyndaw wa i sih ki sarok, da sakhi leh yeini ha u sarok wa lai cha ki chnong wa em ha ka thaaiñ Huroi, East Jaiñtia Hills heiwa ki paidbah da sahkut ki kamwa la ar tayaw tam khlem lait wow lai yaw lai hat cha Khliehriat wa Ladrymbai, da ong u Secretary ka Dorbar Chnong Huroi.
Hajrong ini waroh neiliang ka Southern Border Youth Welfare Association (SBYWA) da pynsñiaw ko yei sñiawkhia hajrong i wym chimkhia ka chnat PWD Khliehriat wow pynlait ya i khyndaw wa ki moo wa oor ha u sarok wow lai cha kini ki chnong iwa da khang yaka luti wow pynemkaam suk ki paidbah, da pynrap u NL Talang uwa man leh kam u GS ka SBYWA.
Neiliang ka SBYWA da kyntu joor ko ya ka PDW (R) Khliehriat wow chimkhia ko wut-wut wow kyrriah ya i khyndaw wow pynlait ya u sarok wow lai cha kitai ki chnong khnang wow suk ki paidbah.
Heijooh i por ka seiñ da yaklam ko leh wa ki sahep ka PWD hajrong ini wei neiliang ki sahep da kular ki wow chimkhia yeini.
