15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ympu ye ka sorkar u ong iwon iwon hajrong i thmu chna Police Outpost ka KHADC ha Langpih: Lahkmen

Advertisement ad1
Advertisement ad1
Advertisement ad1

Shillong: U Montri wa pait ya ki kaam pohyung ka jylla, u Lahkmen Rymbui da ong u wa ka sorkar ympu ye ko wow ong wa lada pdiang namo kyntait ko yei thmu ka Khasi Hills Autonomous District Council (KHADC) wow chna ya ka yung Police Outpost ha chnong Langpih, kawa em ha khappood Meghalaya Assam.

U Rymbui da ong u wa ka sorkar hadooh katni ympu yoh kot ko naka KHADC wei ympu tip ko leh yei yumut ka Council, deiwa pynrap wa i kaam ka sorkar toh wow bichaar bniah bha yeini boi wa ka Council em ko da iwi i yumut.

Kamwa kdaw heini, neiliang u Chief Executive Member ka KHADC, ha ka tayaw wa dadep da kular u ha yung dorbar ka Council wow chna ya ka yung wow booh ya ka Police Outpost kam ka dak wow yarap ya ka sorkar wei kamjooh leh wow yada ya ki paidbah ki chnong ha Langpih nei chah pynthut ha ki pulit Assam.

Hawa kylli, u Montri da ong u wa ka Council ye ko wow leh yeiwon yeiwon i kaam hapoh u pood u ang yong ka, tangwa ya ki kaam wa yatoh wa ki pulit toh i kaamram ka sorkar wow pait hanlada i thmu man i neibynta i bhalang ki paidbah waroh.

Da ong u leh waka sorkar daw pyntip ko yeini wei katkam wa man katni daw yang ko hadooh wa yoh yumut na ka KHADC hajrong kani ka Outpost.

Chooh chooh da ong u leh waka sorkar ym khang ko ya i thmu wow chna ya i yung wow booh Outpost neibynta i bha ka jylla, tangwa ympu che kammon yatoh ka Outpost waka Council.

U Lahkmen da ong u leh waka sorkar neipor cheipor pyrchang ko wow pynbiang yei emkaam ha waroh ki Outpost khamtam wow pynbha yei rukom krehkaam wei wow booh yaki Outpost wa thymme.

Share this:
Previous

Uwa yoh COVID-19 ha Khliehriat toh u BM ka SBI

Next

Kyntu ka SBYWA yaka PWD wow pynlait biang ya u sarok cha Huroi wa kiwi ki chnong