Ka Union of Cook Cum Helper PM Poshan Meghalaya chirup wa ka All Jaiñtia Mid-Day Meal Worker Union ha ka sngi wa pynkup burom ko ya ka Delina Khongdup, kawa man ka dkhot (Member) ka National Commission for Women (NCW) ka sorkar India, ka seiñ lyngba ka President ka Jena Nengnong da kyrpaad joor ko ya ka Delina Khongdup wow chimkhia ko u yarap yaklam wa ka sorkar pyrdi heiyatoh wa i tyrwa wa ka seiñ dadep phah ko neibynta i bha i miat kiwa chet ja ha ki skur yong ka jylla Meghalaya kamjooh ka thaiñ Northeast hi waroh kawi.
Yeini i pynkup burom ka seiñ da pyndep ko ha ka Special Central Executive Committee kawa da man ha Science Hall Nongpoh Ri-Bhoi District ha ka 4 tarik uni u bnai.
Ha kani ka sngi da emlang uwa e buit ka seiñ u Khroo Lamsalanki Pariat, ki sahep napoh ka chnat District Social Welfare, Ri-Bhoi ha chirup kiwa ksohkaam ka seiñ na waroh ki District yong ka jylla Meghalaya.
Ka Delina Khongdup hawa klam khana ko wa ka bei yong ka leh toh kawa chet ja skur hi kamwa manlang ki dkhot kani ka seiñ, kamtæ heiyatoh wa i pynsñiaw ka seiñ kular ko wow yarap yaklam wa u Minister wa pait ya kani ka kaam, wei kamwa boon hi hapoh ka seiñ toh ki kynthai ong ko u yaklam ko wym toh u pynkhia ware i kaam ya ki kynthai.
Ha ka yalang wa pynlai da ka Jena Nengnong, da yoh i klam pdiang na u Charles Shongwan, General Secretary, i klam na ka Peace Marweiñ, President West Khasi Hills District wa i sneiñ i kroo na uwa e buit ka seiñ, u Khroo Lamsalanki Pariat.
Discussion about this post