Khliehriat : Ka seiñ Southern Border Youth Welfare Association (SBYWA-Central) East Jaiñtia Hills ha ka khubor wa da pyllait u Skhembor Shadap, President ka seiñ da ong u “Neiliang ka seiñ da kyntu ko ya ka sorkar lyngba ka tnat puræ puthi wow pyllait noh ko ya ka bhah bai baam (Scholarship) yong ki khynnah puræ waphær waphær yong ka Jylla neibynta u snem 2014-15”.
Ka seiñ da ong ko hadieñ wa da yoh ko i ujor na ki khynnah puræ yong ka thaiñ heiwa yatoh wym pu yoh ki ya ka baibaam yong ki, tæ katwa kamtae ka seiñ da kyntu joor ko ya ka sorkar wow pyllait noh ko ya kani ka poisa.
Uni u khynroo da pteiñ u deiwa ong “Ka sorkar ym em mo pyrkhat ko mo yei eh i khoo ki khynnah puræ hawa ki da yoo luti ki u yoh neibynta u kyrchaan heiwa yatoh wei puræ deiwa yoh ya kani ka baibaam neibhah boon ki khynnah man ki kiwa wan na ki manyung wa dooh”.
Discussion about this post