Kyntu ka tre dukan ya kiwa tipmit ya uwa tooh poisa wow pyntip cha ka

Ka tre iwi i dukan wa em ha Ladrymbai, East Jaiñtia Hills da pyntip ko wa da chah tooh ka snieh-poisa ko kawa em poisa Rs. 10,000 ha ka 19 tarik uni u bnai heipor 2:00 waje i sngi pyn napoh i dukan ko.

Da pyntip ko wa ha katu ka sngi da em ar ngut kiwa da psiah deilang chapoh dukan heiwa uwi da yaklam u wa ka katwa uwi won da uiñ u hapoh dukan yow pait tiar.

Heini i por neidaw wa boonkaam da toh ieh ko ya ka snieh-poisa ko hajrong ka Counter wei da wan uwa uiñ hapoh dukan wow chim wak ya kani ka snieh-poisa wei da thap u ka hapoh kata u.

Hadien wa jia ini wei da pait lyngba ka CCTV, da chem wa uni u bru wa sap T-Shirt (rong lieh) da chim u leh ya ka Mobile Phone kawa dang Charge Battery deiwa thap hapoh kata tangwa da booh biang u ka.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

Uni u bru da yoo leh lyngba ka CCTV wa tooh tiar u napoh ka dukan.

Kamtæ ka tre dukan da kyrpaad ko ya kiwa chong chnong wow pyntip cha ka deiwa Phone ha u Number-6009792848 kamjooh da kyrpaad leh ya ki pulit wow sñiawbha u chimkhia ki yeini i kaam.