Ki kattu katni ngut ki MLA ka Manipur da e dorkhat ki ha u Prime Minister, u Narendra Modi wow pynman ya ki thaaiñ ri-loom ka jylla kam ka Union Territory chirup wa ka Yung Dorbar Chna Aiñ.
Ya kani ka dorkhat da soi da ki 10 ngut ki MLA na Churachandpur, Kangpokpi wa Tengnoupal heiwa da khana ya i thrang wa i angnood ki paidbah ka jylla khamtam hadien wa mih i awri hapyrdi ki ar jaitbru ka jylla.
Da kam ki wa ym ye de ki paidbah wow chong chirup hapoh kawi ka sorkar wa ñiaw chiliang ya ki wei deiwa yoh ya jar jiar ka Union Territory daw ye ki wow imsuk kam kiwa sah marjan.
Chooh chooh da ong wa da chah thombor ki jaitbru ri-loom ka ha ki heh paaid heiw da chah dat, chah slaitbor ki kynthai wei da chah tynyap ki jaitbru yong ki wei i yoh donhi ya ka Union Territory wow ye ki u im deiwa suk.
Kini ki MLA toh kiwa na ka BJP, KPA wa ki kyrtong samen wei ngait skem ki wa i chimkhia u Prime Minister daw ye ki wow yoh yei hok wa toh u yoh ki da slem.
Yeini i jooh leh da dawa da ka Kuki-Zo Council.
Discussion about this post