theme-sticky-logo-alt
theme-logo-alt
Advertisement ad1
Advertisement ad1

Kyntu ki MLA ka Congress ya ka sorkar wow su tulop noh ya kiwa sikai wa ki wakreh Municipal

Ki MLA ka Congress hapoh i yahkhmat ka Dr. M. Amapreen Lyngdoh ynne ka sngi da dawa ki na ka sorkar wow pynlait noh ya ka tulop wa sah ki wakreh sorkar wa chakri kam ki Casual wa Adhoc wei kamjooh yong kiwa sikai Samagra Shiksha Abhiyan (SSA) wa ki wakreh ha ki Municipal Board.

Hawa yaklam wa kiwa pathai khubor hadien ka yalang ka Congress Legislature Party (CLP), ka Ampareen da ong ko wa ka CLP da yaklam yillu bha ko hajrong ki mat ka jylla khamtam i wym chimkhia ka sorkar wow su tulop cha kiwa boon ki wakreh wa cha kiwa sikai SSA.

Da ong ko wa ka sorkar da toh wow pynlait smat noh ko ya ka tulop, deiwa pynsñiaw wa kiwa sikai da hap mih ki cha sarok wow dawa tulop, tangwa sñiawsih leh wa hadooh katni ka sorkar ym em ye ko wow pyndooh yei eh i khoo wa chem kiwa sikai wa ki wakreh SSA.

Chooh chooh da ong ko i wym yoh tulop ki wakreh ki 3 tylli ki Municipal Board, ha Shillong, Jowai wa Tura leh da wanrah i yei eh ya ki paidbah neibhah wa ki kari kit jhep ka Municipal ymye ki wow krehkaam neidaw wa em ki hei yakhih iwa da wanrah kylla yei eh ya kiwa chong chnong.

Da ong ko wa lada ka sorkar ym mano ko ya i dawa wei wow dam u yaklam wa ki wakreh ka Municipal, daw wanrah ko yei eh wa khroo ya ki paidbah wa chong ha ki thaw Municipal.

Heijooh i por da kyntu ko ya ka sorkar wow chimkhia ya ini wei wow su noh ya ka tulop ki wakreh Municipal neibynta i bhalang kiwa boon.

Share this:
Previous

Da chem ya ar ngut kiwa yoh Omicron ha India

Next

Emkaam wow pynman dorbar kyrpang yow tip lut yei kaam pynbait pood: Process