Neiliang ki pulit ka Meghalaya da pyntip paidbah ki wa neidaw wa boon ki bru wa chah thok katni nadooh ha ki rynsan Social Media kam u WhatsApp, Messenger, ki SMS wa kiwi de heiwa kini ki bru da kam ki ya idæ kam ki heh sorkar, ki wakreh Bank wa kiwi de yow pynbiej wei kamjooh yow yoh yei chaniah ki bru heiwa da tip ki leh hadooh yei pyrtuid yong ki bru wa thmu ki wow chim kabu.
Kamtæ neiliang ki pulit da kyntu ki ya ki paidbah wow man kiwa husiar neibhah kini ki bru i rukom chim kabu ki toh deiwa pyntieñ ya ki bru wa da sih ki App yong ki Bank yong ki, chah Block ki Debit/Credit Card, wa sih ki PAN Card khamtam wow pynthymme ya ka KYC yong ki hapoh Bank.
Heiyatoh waka KYC kini ki bru ye ki wow Phone dei Phone lane deiwa phah SMS wa emlang u Link heiwa daw phah Install ya ka Team Viewer App hapoh ka Phone ki lane da u Quick Support, Any Desk wa kiwi kiwi wei mar ya Install ya kini ki App, kini ki bru wa chim kabu da yoh ki wow pait ya waroh iwa em ha ki Phone yow tip ya kiwa emkaam u tip ki yow ye u sai poisa tooh napoh ki Bank Account ki bru.
Kini ki App toh kiwa tip kam ki Screen Sharing App kiwa manda dep Install da e laad ko ya kiwi wow yoo yeiwa leh hapoh ka Phone nadooh ki PIN Number wa ki OTP wa poi ha ka Phone ki bru.
Heiyatoh wa ka KYC, ki Bank da phah bait ki wow wan cha ki Bank yow leh yeiwa emkaam wei ym jooh leh ki deiwa Phone lane lyngba ki Apps tangwa hap ki bru wow rah ya ki kot ki sla yong ki deiwa lai cha ki Bank hi.
Lada poi hi da kiwon kiwon ki link heiyatoh wa ki kaam poisa poilaiñ ym toh wow Click khamtam kiwa em ya ki kyntien ‘tinyurl’ lane ‘bitly’ neibhah kini ki jait link toh kiwa murieh ya ka website wei ym tip cheiwon u poi manda Click ha ki.
Kynmoo leh, ki Bank ym paan ki ya ka OTP, ka Bank Account Number lane iwon iwon i wym hoi u khana kam u PIN ki Debit/Credit Card yong phi kamjooh u CVV Number wa em hadien ki Debit/Credit Card yong phi.
