theme-sticky-logo-alt
theme-logo-alt

Pdiang burom ka JSM, ka Kur Pale yaka WJDSA wa ya u Santify Pale uwa yoh 2 takma ksiar

Ka seiñ Jaiñtia Students Movement (JSM) chirup waka kur Pale ynne da pdiang burom ki ya ki dkhot wa ki khloor yalehke ka West Jaiñtia District Sports Association (WJDSA) ha Mookyndur hadien wa wan chimbynta ki ha ka lympung Meghalaya Games 2022.

Ha kani ka sngi da pdiang kyrpang leh ya u khynroo Santify Pale na Moodop, Nartiang uwa da yoh ar tylli ki takma ksiar ha ka 800 Meters wa 1500 Meters yong kani ka lympung.

Ka JSM wa ka Kur Pale da pdiang burom ki ya uni u khynroo deiwa pynkup da ka Ryndiatlem, wa i e sñiawbha ya oo. 

U Patrick Lamare uwa man u Vice President ka WJDSA ha kani ka sngi da pyntip u wa ka WJDSA da yah ko ya ki khynnah wa yakhun ha ka Athletics, Football, Basketball wa Archery. 

Chooh chooh da pyntip u wa ki takma wa yoh ka WJDSA kynthup ki yaka Athletics heiwa da yoh 6 tylli ki takma ksiar, 8 tylli ki takma rupa wa 7 ki takma tama heiwa da yoh ko leh yei kyrdan Runners Up neibynta ki chynrang ha ka Athletics ha kani ka lympung. 

Ha ka Football da yoh ko ya ka takma tama wei ha ka Archery namo siat khnam da yoh 2 tylli ki takma ksiar wa kawi ka takma rupa. 

Da e u leh ya ki kyntien sneiñ kyntu ya ki khynnah deiwa ong wa chirup wa i yalehke emkaam leh wow minot ki ha i puræ puthi yong ki. 

Share this:
Previous

Kyntu ki pulit yaki paidbah wow man kiwa husiar yaki Link wa yatoh wa ki kaam poisa poilaiñ

Next

Khlaad noh u Ma Charles Pohshna (Ma Char)