Shillong: U A. Khonglam Secretary yong ka seiñ Meghalaya Government Contractual LP School Association da kyntu u yaka sorkar wow e laad ya kiwa sikai kiwa khlem Pass ya ka Meghalaya Teacher’s Eligibility Test (MTET) wow thoh Exam biang.
Neiliang yong ka seiñ da kyntu ko yaka sorkar wow pynneh yaki ha i kaam wei wow e laad biang yaki wow thoh ya kani ka Exam. Da pyntip wa waroh kiwa sikai kiwa em ha i kaam kiwa da thoh ya kani ka Exam em ki 1220 ngut wei kiwa Pass da em ki du 120 ngut.
U Khonglam da ong u wa kini kiwa sikai toh ki wakreh ya i kaam kattu da ki phaw snem, tangwa kamwa man kattæ daw chah pyndam noh neibhah wa ym Pass ki ya katai ka Exam, deiwa ong leh wa kiwa boon na kiwa sikai toh kiwa da palat rta wow thooh kreh cha wi.
U Khawkupar Kharsahnoh da pyntip u leh wa ka Contract wa ka sorkar u kut noh ko ha ka 17 tarik uni u bnai, wei na ini i daw ka seiñ kyntu ko yaka sorkar wa ym toh wow beh kaam ya ki, wei wow e laad yaki wow thoh ya ka Exam MTET.
