Kyntu u Conrad ya ki bank wow e ram ya ki tre jylla kiwa kwah u seiñkhih

Shillong: U montri rangbah ka Meghalaya u Conrad K. Sangma ynne ka sngi da ong u wa lada ki Bank ha kylleiñ ka thaaiñ mihsngi biang bru wa kreh ki katwon u ye ko u pynku ya ka jaitbru ka thaaiñ yong i. 

“Ha kiwa boon ki thaaiñ nongkyndong ka Northeast, i duna bru wa kreh da man ko u moochynthut ya ki paidbah, kamtæ kyntu O ya ki heh ka SBI wow pynbiang ya ki bru wa kreh khamtam cha ki chnat yong ki wa em cha nongkyndong,” da ong u Conrad haka yalang ka 16th Annual General Conference of SBI SC/ST Employees Association (SEWA) wa pynman ha Nehu Auditorium, Shillong. 

Deiwa kular wow chimkhia yeiwa emkaam kiwa kreh SC/ST ha kiwa boon ki thaw, u Conrad da ong u leh wa ki sahep ka SBI toh u pyntikna ki wa ki tre jylla toh u yoh ki ya ki ram yow sdang khih ki.

“Lada kiwon kiwon ki tre jylla kiwa ye u pynbiang ya ki kyndon lada wan chim ram ki, ki Bank toh u yarap ki ya ki, yow ye ki u sdang ya i kreh wa ki hun ki,” da ong u.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da pyntip u leh ya ka yalang wa ka sorkar Meghalaya da sdang ko ya ki kattu katni ki kaam yow pynchlur ya ki khynroo khyllood wow sdang khih ki wei da jied ya kiwa em sap haka tem ka put.

“Ki chynrang wa ki kynthai yong i toh kiwa em ka sap haka tem ka put wei man ko ka kitklieh yong i wow pyntikna ye ki u im ja deiwa leh ya iwa ka-it mynsien ki. Kwah i wow pynku u pynpawnaam deiwa e laad wa ki rynsan ya ki,” da ong u Conrad. 

Da pyntip u leh wa em chiboon ki khynroo kiwa em i sap ha i chon dur kiwa da leh ya ini i kaam du wow pynmuja pyn da ki ya ki hi khlem em wa yah luti ki, “I emkaam i wow pyntikna wa kini ki bru ye ki wow pynemkaam ya ki sap yong ki wow ye ki u kamai poisa.” 

Ha kani ka sngi u Conrad da leh warom u ya u (L) Dr. B. R. Ambedkar deiwa booh syntu uwa man kam uwa chna ya ka riti synchaaar ka ri wei uwa yaleh neibynta jaitbru SC/ST ka ri.

Kiwi de kiwa em ha kani ka sngi toh u Sunil Kumar Tandon uwa man kam u Chief General Manager wa ki General Manager ka SBI North East Circle u Digmanu Gupta, u Ajoy Kumar Singh wa u R.P. Singh, National President ka All India Federation SBI, DGM wa ki AGM ki Bank waphær waphær ka thaaiñ. 

Da pyntip leh wa 42% kiwa kreh ka SBI ha Northeast ki SC/ST.