15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Pynkup burom ka Meghalaya Football Association ya kiwa yalehke U-21 Dr. T Ao Football Tournament

0 Comments
Advertisement ad1

Shillong: Ka Meghalaya Football Association (MFA) da pynkup burom ko ya ka dhab yalehbol ka jylla kawa chimbynta haka U-21 Dr. T Ao Football Tournament heiwa da yoh wa ar ki hadien wa rem ki haka Final.

Ka Tournament toh kawa pynman ha Guwahati ha u Thohlakhmi (Feb) 2019 heiwa ka Meghalaya da rem ko da 3-1 ha ka Mizoram da ka yachut Tie-breaker hadien ka yalehke kut ko da 1-1.

Waroh kiwa yalehke ka U-21 ym yoh ki u emlang ha kani ka pynkup burom kawa da leh da u CEO ka MFA u Arki Nongrum wa ki dkhot ka MFA Youth Development Cell.

U Sunesh Syiem hei klam yong oo da ong u, “Da yoh u yoo yeiwa da heh da san phi kam kiwa yalehke nadooh ka U-15 wei iwa da ye ki phi u leh man ko ka sarong ya phi deiwa mihkhmat phi ya ka jylla. Emkaam leh u em mynsieñ sñiawkhian. Lada pait phi ya kiwa yalehke wa pawnaam dooh hapoh pyrthai kam u Messi wa u Ronaldo u chem phi toh kiwa leh khian kiwa ym em sarong. Hadien ka T Ao daw yohlaad phi u chimbynta chooh chooh ha ki Tournament wa heh wei kani man ko ka rynsan ya phi wow kyntih cha ki rynsan wa rap heh.”

Da pynrap u deiwa ong wa ym toh waroh ki khynroo wa kwah u yalehbol u ye ki u poi cha ka kyrdan wa heh namo u man Professional, tangwa i yalehke ya ka jylla deiwa jop bha daw wai ko ki laad ki luti wow yoh kreh sorkar lyngba ka Sports Quota.

“Ka yakhun man ko kawa sih bhah wa rem hadien waka kylla miet man ko ka yong phi. Nga e khublei O ya ka Youth Development Cell wa waroh ki Coach- u Bobby Lyngdoh Nongbet, u Rohit Nongspung wa u Jeff Warlarpih,” da ong u Nongrum. “I kwah i wow pynman ya ka Workshop ya kiwa yalehke kiwa man kiwa leh bha ka wow embynta lang u Eugeneson Lyngdoh, u Redeem Tlang wa u Aiborlang Khongjee wei nga leh pynclur O ya phi wow su kylliang ya ka jylla deiwa yarap kam ki Volunteer kam ha ka Baby League, kam ka nongmuna.”

Hawa khaddooh u Ailad Kynta da pynbor u ya kiwa yalehke wow man ki kiwa bait wa ryntih ha ka yalehke wa ha iwa im ki man ka sngi.

“Da em leh boon kiwa yalehke kiwa takha neidaw wym em biang i pynkhreh. Emkaam wow man kiwa chait wa khiah wa kiwa khlan ha waroh ki por,” da ong u Kynta. “Manda sdang biang ka Shillong Premier League ym toh u pyrkhat phi du ya ka Club yong phi- emkaam u pyrkhat jngai phi wa kani ka Tournament u yah ko ya phi chakhmat.”

Waroh kiwa yalehke da e cha ki ya ka Certificate, Medal waka songpoisa.

Kiwa yalehke ka Meghalaya: Denzil Warjri, Mediphrangki Pohleng, Ronald Lyngdoh Nonglait, Frolicson Dkhar, Rajat Paul Lyngdoh, Wilbert O Marbaniang, Baiaikara Swer, Robert Khongjoh, Rickyson Makdoh, Figo Syndai, Wadskhem Marbaniang, Kitboklang Khyriem, Batskhem Thangkhiew, Pyndapborlang Kharmawphlang, Shaibor Nongrum, Belton Lartang, Chanmitre Tham, Wanbok Lyngkhoi, Rheadolf Nongneng Daloi

Officials: Bobby Lyngdoh Nongbet (Coach), Jeffrey Warlarpih (Manager), Rohit Nongspung (Assistant Coach), Franklin Sohphoh (Physio).

Advertisement ad1

0 Comments

Leave a Reply