15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Kyntu u Conrad ya ki khynnah wow sdang u seiñ khih wei wow ekhih ya kiwi tawon

0 Comments
Advertisement ad1
Advertisement ad1

Shillong: Da pynman ya ka Computer and Language Trainees’ Convocation ha Ramakrishna Mission, Vivekananda Cultural Centre, Shillong heiwa u montri rangbah ka jylla, u Conrad K. Sangma da man u kam u kongsan.

Neiliang u Conrad da ekhublei u ya ki khynnah deiwa ong wa emkaam wow lai ha ka luti wa biang wei kiwa chna aiñ u ye ki u thooh ya ki luti wow ye ki wow wanrah ya ka mynried wa tyrchaaiñ ya ki.

Advertisement ad1

Da kyntu u ya ki khynnah wow seiñ khih ki dei yong ki hi wei wow ekhih ya kiwi tawon.

Da ong u wa ym em kawon kawon ka luti kawa suk kawa tbian emkaam wow man kiwa da pynkhreh wow maad yei eh i khoo ha ka luti wa lai ki.

Ha kani ka sngi u Conrad da e u ya ki Certificate of Completion wa ki mementos cha ki khynnah kiwa da pyndep yei puræ wei da e u leh ya ki Desktop wa ki Laptop cha ki khynnah kiwa da poi chakhmat ha ki puræ yong ki.

Da pyntip wa ki khynnah kiwa da poi chakhmat lyngba kini ki Computer daw ye ki wow esikai cha kiwi tawon hapoh ki chnong ki thaw yong ki.

Ka Principal, St. Mary’s College, Shillong, Dr. Sister Mary Harriet; Secretary, Ramakrishna Mission, Shillong, u Swami Sarvabhutanandaji Maharaj; u Secretary, Ramakrishna Mission, Sohra, u Swami Anuraganandaji Maharaj wa u Asst. Secretary, Ramakrishna Mission, Shillong, Swami Vedasaranandaji Maharaj da emlang ki ha kani ka sngi.

Share this:
Previous

Thang ki 12 seiñ ka WKH ya ka kotkhubor hadien wa chah pynbaad wa baam poisa ki khynroo ka District

Next

Chah tynyap uwi u bru, pyn ha u diah u ha Mihmyntdu