U DC ka West Garo Hills, u Swapnil Tembe da kyntu u ya ki paidbah kiwa sah cha sor wow em i kitkhlieh yei jhep wa pynmih ki katwa ki bor District dang pynkreh ki yeiwa toh u leh yow man ka District kawa lait nei jhep deiwa ya krehlang wa waroh kiwa chong chnong.
Kamtæ da kyntu ya kiwa chong chnong wow yabhah yei jhep khamtam iwa mih na ki thaw chet deiwa pynman sboh ki yow leh ki thaw noh jhep (Dustbin) u sma u tung.
Da pynchlur u leh wow pynkrehkaam ya ka RRR (Reduce, Re-Use, Recycle) yow pynduna yei jhep wa pynmih, u pynemkaam biang ya kiwa dang hoi wei yow phah Recycle ya kiwi iwa daw pynduna yei jhep wa hap kit ka Tura Municipal Board.
Heipor wa lai yaw da pynchlur wow rah da ki muna jun lane kiwon kiwon ki muna wa ye u pynemkaam boonsien yow lait kiwa chong dukan wow e ya ki muna Plastic.
Hawa lai yaw, lai haat toh u thied da ki mar wa pynmih napoh ki chnong ki thaw kiwa da song da ki wym ktah ya ka rymaw yow pynchlur leh kiwa chong chnong kiwa pynmih ya ki mar ki mata.
U DC da pyntip u leh wa daw sdang noh yei kit jhep na kawi pa kawi ka manyung da ka Municipal deiwa su chisien chi bnai hei dor wa duna.
