Ki paidbah wa chong chnong yong ka Labang Nangphyllut & Pangam Raliang da rai ki wym thap Vote ha ka Election yow man Member of Autonomous Council (MCA) ka Karbi Anglong Autonomous Council, Assam kawa daw pynman ha ka 8 tarik uni u bnai.
Da mih leh i khuslai wa ye u jia iyi iyi ya ki na ini i rai yong ki.
Kani ka thaw toh kawa dang em hapoh ka Block-I ka West Jaiñtia Hills District wei da em 36 tylli ki chnong ki Pnar wei da man ko leh kam ki thaw wa daw pynbait pood ha ka thup wa ar ka Assam wa Meghalaya.
Ki paidbah najrong wa kwah ki wow em hapoh ka jylla Meghalaya, da dawa ki wow pynim biang ya ka Elaka Labang Nangphyllut Pangam Raliang kawa da dooh noh, kamjooh da dawa leh wow pynuiñ biang yei thaw cha ka Elaka naka Karbi Anglong Assam chapoh ka Meghalaya.
Puræ leh: Pynyoo ki paaid ka thaaiñ Labang Nangphyllut wa Pangam Raliang yei yatylli wow em ha Meghalaya
